Alibaba Group асосчиси: “Мен офисда ўлиб қолишни истамайман”

Ҳонгконгда ўтган анжуманда Alibaba Group асосчиси, 52 яшар Жек Ма муддатидан олдин нафақага чиқиш ҳақида ўйлаётганини айтиб ўтди. Бу ҳақда Nikkei.com маълум қилган.

Хитойнинг электрон тижорат гиганти Alibaba Group Holding раҳбарлигидан кетганига уч йил бўлган Жек Ма “офисда ўлиб қолишни истамаслигини” маълум қилган эди.

— Мен 17 йиллик умримни электрон тижоратга сарфладим. Энди нафақага вақтлироқ чиқишни истаяпман. Мен, ва ниҳоят, дунёни томоша қилишни истайман, — деди Жек Ма. Аммо у бизнесни қачон тарк этишига тўла ойдинлик киритмаган.

Жек Ма айни дамда компания директорлар кенгашида раҳбар лавозимида фаолият юритади. Alibaba Group раҳбари сифатида Даниэль Чжан Юн иш олиб боради.