Қўшимча функционаллар
-
Тунги кўриниш
Покистонда қулаган самолёт "қора қутиси" топилди
Фото: geo.tv
Покистонда қидирув-қутқарув операцияси давомида 7 декабрда қулаган йўловчи самолёти "қора қутиси" топилди. Бу ҳақда Geo TV’га иқтибос келтирган ҳолда РИА “Новости” ахборот агентлиги хабар бермоқда. "Қора қути"нинг қандай ҳолатда эканлиги маълум қилинмаган.
Pakistan International Airlines авиакомпанияси самолёти Хавелиан шаҳри яқинида ҳалокатга учраган. Самолётда 47 киши бўлган. Улардан ҳеч ким омон қолмаган.
Самолёт Читралдан Исломободга учаётган бўлган. Расмий вакилнинг маълум қилишича, самолёт ҳалокатга учраши сабаблари номаълум. Унинг двигателларидан бири ишламай қолгани тахмин қилинмоқда. Тергов олиб борилмоқда.
Авиакомпанияда самолёт соз ҳолатда бўлгани маълум қилинган. Авиаҳалокат жойидаги қидирув операциясида 500 ҳарбий иштирок этмоқда. Шунингдек, авиация жалб қилинган.
Мавзуга оид
15:29
Ўзбекистон Покистон денгиз портлари орқали янги бозорларга кириш имконини ўрганмоқда
20:17 / 13.11.2024
Покистонда тўй автобуси дарёга қулаши оқибатида 22 киши ҳалок бўлди
19:27 / 13.11.2024
Покистон ва Ҳиндистонни қоплаган тутун коинотдан кўрина бошлади
15:12 / 09.11.2024