Оёқларни иситувчи ақлли патаклар ишлаб чиқилди

Қиш ойларида касалланмаслик учун биринчи навбатда иссиқ кийиниш талаб этилади – свитер, бўйинбоғ, куртка, бош кийими, иссиқ шимлар ва қишки оёқ кийими. Буларнинг барчасини биз яхши биламиз. Аммо замонавий гаджетларга бир назар ташлаб кўрсакчи? Масалан, ақлли патаклар + Швейцария стартапидан Winter.

Маҳсулот оёқларни иссиқ ҳолда ушлаб туришга ёрдам беради, ҳарорат эса Android ва iOS’да ишловчи смартфонларга мўлжалланган илова орқали бошқарилади. Патаклар жуда ҳам юпқа бўлиб – атиги 2 миллиметрни ташкил қилади. Шу сабабдан уларни нафақат ҳар кунги оёқ кийим билан, балки чанғи ботинкалари, музли конькилар, велосипед оёқ кийими, резина этиклар, сноуборд ботинкалари билан бирга кийиш ҳам мумкин.

Белгиланган ҳароратдан (максимал – 45 даражага тенг) келиб чиқиб ўрнатилган аккумулятор бир қувватда 5 соат ишлаши мумкин. Энг муҳими +Winter фақатгина ҳаракат қилганда оёқларни иситади, бунга махсус жойлаштирилган акселерометрлар хизмат қилади. Киши бир жойда турганда патаклар қувватни тежаш мақсадида ишлашдан тўхтайди.

Аккумулятор қуввати даражасини билиш, ҳароратни ўзгартириш мобил дастурий таъминот орқали амалга оширилиши мумкин. маълумотлар алмашинуви Bluetooth 4.0 орқали ишлайди. Қувватлантириш учун эса симсиз заряд қурилмадан фойдаланилади. 99 швейцария франки эвазига таклиф этилаётган мажмуада фақатгина бир қувват қурилмаси бор. Кенгайтирилган нусха эса ўз ичига иккита шундай ускунани олган бўлиб, 119 швейцария франкига тушади.