Трамп янги ташқи сиёсат олиб боришга ваъда берди

АҚШнинг сайланган президенти Дональд Трампнинг ваъда беришича, унинг маъмурияти иш бошлаганидан кейин, АҚШ ташқи сиёсати янгича йўналиш касб этади. 

"Бизнинг ташқи сиёсат янги йўналишга муҳтожлик сезаяпти", — деган Трамп, Флорида штатининг Орландо шаҳрига уюштирган сафари чоғида. Трамп "бошқа давлатларни қайта қуриш ўрнига, ўз мамлакатимизни қайта қурамиз", деган фикрини яна бир маротаба такрорлаган.

"Биз бир мамлакатдан иккинчисига узоқ вақт мобайнида масъулиятсизларча бостириб кирдик. Сизларнинг аксариятингиз, ўша давлат ҳақида аввал эшитмагансиз ҳам. Бу ахмоқлик тугайди! Трамп маъмурияти, биринчи галда, АҚШ манфаатлари хусусида қайғуради", — деб таъкидлаган Трамп.

8 ноябрдаги президентлик сайловида ғалаба қозонган Дональд Трамп келаси йил 20 январида лавозимини бажаришга киришади.