Tramp yangi tashqi siyosat olib borishga va'da berdi

AQShning saylangan prezidenti Donald Trampning va'da berishicha, uning ma'muriyati ish boshlaganidan keyin, AQSh tashqi siyosati yangicha yo‘nalish kasb etadi. 

"Bizning tashqi siyosat yangi yo‘nalishga muhtojlik sezayapti", — degan Tramp, Florida shtatining Orlando shahriga uyushtirgan safari chog‘ida. Tramp "boshqa davlatlarni qayta qurish o‘rniga, o‘z mamlakatimizni qayta quramiz", degan fikrini yana bir marotaba takrorlagan.

"Biz bir mamlakatdan ikkinchisiga uzoq vaqt mobaynida mas'uliyatsizlarcha bostirib kirdik. Sizlarning aksariyatingiz, o‘sha davlat haqida avval eshitmagansiz ham. Bu axmoqlik tugaydi! Tramp ma'muriyati, birinchi galda, AQSh manfaatlari xususida qayg‘uradi", — deb ta'kidlagan Tramp.

8 noyabrdagi prezidentlik saylovida g‘alaba qozongan Donald Tramp kelasi yil 20 yanvarida lavozimini bajarishga kirishadi.