Трамп АҚШ маъмурияти мулозимларига лоббизмни тақиқлади

АҚШ президенти Дональд Трамп АҚШ маъмурияти мулозимларига лоббичилик фаолияти билан шуғулланишни тақиқлади. Бу ҳақда Associated Press агентлиги хабар қилмоқда.

Хусусан, давлат мулозимларига бошқа мамлакатлар манфаатлари йўлида лоббичилик қилишга умрбод ва бошқа турдаги лоббичилик учун 5 йиллик тақиқ жорий қилди. 

Трампнинг қайд этишича, у билан ишлашни истаганлар диққатини, ўз келажакларига эмас, Америка халқи фойдаси учун жамлашлари керак. 

АҚШ маъмурияти вакилларининг фикрича, бу тақиқ «тарихий моҳиятга эга». Хабар қилинишича, ҳозирча, бу кўрсатмага қандай амал қилиниши маълум эмас. 

Аввалроқ, Трамп АҚШ Қуролли кучларини «қайта қуриш» тўғрисида фармонни имзолади.