Ўтган бир ҳафтада Тошкент йўлларида 21 мингга яқин қоидабузарлик аниқланди

Тошкент шаҳрида Йўл ҳаракати хавфсизлиги қоидаларини бузиш ҳолатларини аниқлаш ва уларнинг олдини олиш мақсадида 3-8 март кунлари ўтказилган рейдлар давомида 20911 та қоида бузарликлар аниқланиб, уларга нисбатан маъмурий таъсир чоралари кўрилди. Тошкент шаҳар ИИББда ўтказилган матбуот брифингида ИИББ бошлиғи ўринбосари Дониёр Тошхўжаев шу ҳақда маълум қилди.

Улардан 80таси маст ҳолатда транспорт воситасини бошқариш, 1.451таси йўл белгиларига риоя этмаслик, 6.533та қўпол қоидабузарлик ҳолати, 393таси светофорнинг таъқиқловчи чироғида ҳаракатланиш, 12.454 таси бошқа йўл ҳаракати қоидаларини бузиш ҳолатларини ташкил этган.

Йўл ҳаракати хавфсизлиги қоидаларини бузиш ҳолатларини олдини олиш мақсадида,

23та транспорт воситасини таъмирлаш устахоналари ва автотураргоҳларда, 408та таълим муассасалари ва маҳаллаларда йўл ҳаракати хавфсизлиги қоидалари бўйича амалий машғулотлар ўтказилди, тарғибот-ташвиқот ишлари олиб борилди.