Иордания қироли Трамп билан бўйи бир хил кўриниши учун антиқа усулни қўллади

Вашингтонга ташриф билан келган Иордания қироли Абдуллоҳ II АҚШ президенти Дональд Трамп билан бирга берган матбуот-анжуманида ўзидан анчагина бўйчан бўлган ҳамкасби билан бўйи бир хил кўриниши учун оёғи остига қути қўйдирди. Бу ҳақда Washington Examiner нашри хабар бермоқда. 

Таъкидланишича, қутини минбар тўсиб турган, бироқ видеотасвирнинг баъзи жойларида қиролнинг оёғи остидаги қутини пайқаш мумкин бўлган.

Таъкидлаш жоизки, Трампнинг бўйи 188 см ни, Абдуллоҳ II’нинг бўйи эса 165 см ни ташкил қилади. 

Маълумотларга кўра, жаҳон етакчиларидан Германия канцлери Ангела Меркелнинг бўйи 165 см ни, Россия президенти Владимир Путиннинг бўйи эса 170 см ни ташкил қилади. 

Умуман, АҚШнинг охирги президентлари бўйчанликлари билан ажралиб турадилар: Рональд Рейганнинг бўйи 185 см ни, Катта Жорж Буш ва Билл Клинтонники 188 см ни, Кичик Жорж Бушники 182 см ни, Барак Обаманики 185 см ни ташкил қилади.