Қирғизистондаги мактаблардан бирида 10 киши номаълум газдан заҳарланди

Қирғизистоннинг Балиқчи туманидаги мактаблардан бирида 10 киши номаълум газдан заҳарлангани хабар қилинмоқда. Улар орасида, ўқитувчилар ва ўқувчилар ҳам бор, деб хабар қилмоқда ТАСС агентлиги. 

«Беш ўқувчи шаҳар шифохонасининг жонлантириш бўлимига ётизилган, яна беш кишига  травматология бўлимида тиббий ёрдам кўрсатилмоқда», — дейилади хабарда. 

Қирғизистон фавқулодда вазиятлар вазирлигига кўра, яна бир неча ўқувчи ва ўқитувчиларга «биринчи тиббий ёрдам кўрсатилган».

Мутахассислар жабрланганлар қандай газдан заҳарланганига ойдинлик киритишмоқда.