Стивен Кинг Трампнинг ядро қутисига яқинлашувини “ўта даҳшатли” дея баҳолади

Ўзининг қўрқинчли ва триллер жанрида ёзилган романлари билан машҳур америкалик ёзувчи Стивен Кингнинг фикрича, АҚШнинг ҳозирги президенти Дональд Трамп ядро қуролларини бошқара олиши ҳар қандай асаридан даҳшатлироқдир. У Twitter саҳифасида шундай фикрни қолдирди.

"Бу йигитнинг (Трамп) бармоғи қизил нуқтачада экани мен ёзган ҳар қандай қўрқинчли асарлардан қўрқинчлироқдир", - дейилади хабарда. "Трампнинг илк юз кунда ёзган твитлари унинг шахсияти қай даражада эканини намойиш этади", - деб ёзади ёзувчи.

Таъкидлаш лозим, Кинг республикачи президентни биринчи марта танқид қилаётгани йўқ. У президентлик сайловидан аввал ҳам Трампнинг сайланишига йўл қўймасликни сўраб петицияга имзо чеккан 450 нафар америкалик ёзувчилардан бири бўлганди.