Forbes'дан АҚШнинг энг муваффақиятли фаолият юритувчи аёллари рейтинги

Forbes журнали АҚШнинг ўз кучи ва меҳнати билан муваффақиятга эришган энг бадавлат аёллари рўйхатини тақдим этди. Рейтингни Little Caesars Pizza ҳаммуассиси Мариан Илитч бошқармоқда. Унинг молиявий ҳолати 5,1 миллиард долларга баҳоланмоқда.

Иккинчи поғона ABC Supply компанияси ҳаммуассиси ва раиси Диана Хендриксга насиб этди - 4,9 миллиард доллар.

Учинчи ўринда - Love компаниясининг ижрочи котиби ва Love Family Fund раиси Жуди Лав, шунингдек телебошловчи ва ишбилармон Опра Уинфри - 2,9 миллиард доллардан.

Gap ҳаммуассиси Дорис Фишер бешинчи ўринни эгаллади. Epic Systems асосчиси ва бош директори Жуди Фолкнер олтинчи ўринни Hewlett Packard Enterprise бош директори ва HP Inc. раиси Маргарет Уитмен билан бўлишди.

Илк ўнликдан шунингдек J.B. Hunt Transport Services вакили Жонелл Хант, "Лас-Вегас қироличаси" Элейн Винн ва Wonderful Company'дан Линда Ресниклар жой олди. 

Бундан ташқари, рейтингга дизайнерлар Вера Вонг (29-ўрин), Тори Берч (30-ўрин), Донна Каран (38-ўрин), Диана фон Фюрстенберг (51-ўрин)лар ҳам киритилган.

Рейтингда шоу-бизнес вакилларидан Мадонна (32-ўрин), Селин Дион (43-ўрин), Барбра Стрейзанд (44-ўрин), Бейонсе (46-ўрин), Тейлор Свифт (55-ўрин) номлари қайд этилган.