Мирзиёев Гельмут Коль вафоти муносабати билан Германия президентига ҳамдардлик билдирди
Ўзбекистон Республикаси Президенти Шавкат Мирзиёев Германия Федератив Республикасининг Федерал Президенти Франк-Вальтер Штайнмайерга Германиянинг собиқ Федерал канцлери Гельмут Коль вафот этганлиги муносабати билан мактуб йўллади. Бу ҳақда ТИВ матбуот хизмати хабар берди.
Давлат раҳбари мактубида шундай дейилади:
“Жаноб Коль бизнинг хотирамизда жаҳон миқёсидаги йирик сиёсий лидер ва ГФРнинг атоқли давлат арбоби сифатида қолади. Унинг номи билан Германиянинг бирлашиши ва Европа Иттифоқининг яралиши каби жаҳон тарихидаги муҳим сиёсий воқеалар чамбарчас боғлиқ.
У, шунингдек, давлатларимиз ва халқларимиз ўртасида узоқ муддатли ҳамкорлик ва дўстона алоқалар ўрнатилиши ва ривожланишида катта ҳисса қўшган.
Менинг таъзиямни қабул қилишингизни ҳамда жаноб Колнинг оила аъзолари ва яқинларига, бутун Германия халқига самимий ҳамдардлик сўзларимни етказишингизни сўрайман”.
Мавзуга оид
19:45 / 06.02.2024
Электромобил тармоғини ривожлантириш чора-тадбирлари тақдимот қилинди
19:10 / 22.01.2024
Президентга спортдаги натижалар ва режалар бўйича ахборот берилди
19:05 / 22.01.2024
«Соғлиқни сақлаш лойиҳалари маркази» ташкил этилади
09:47 / 19.01.2024