«Ўзбекэнерго» Қандим газни қайта ишлаш заводини ЭУТга улади

«Ўзбекэнерго» АЖ «Қандим газни қайта ишлаш заводини ташқи электр таъминотини қуриш» лойиҳасини якунлади. У мазкур лойиҳа доирасида барча қурилиш-монтаж ишларини поёнига етказди. Компаниянинг жорий йил биринчи ярим йиллигига доир ҳисоботда шу ҳақда сўз боради. 

Компаниянинг қайд этишича, лойиҳа доирасида 89,4 кмлик «Бухоро-Қандим» электр узатиш линияси подстанцияси 220 кВ кучланишли линияга уланган. Лойиҳа қиймати 80 млн долларга баҳоланган. 

Эслатиб ўтамиз, «Лукойл» компанияси «Ўзбекнефтегаз» билан ҳамкорликда 2004 йилдан бери Қандим-Хаузак-Шоди-Қўнғирот лойиҳаси доирасида Қандим лойиҳасини амалга ошириб келади. Қандим конлари гуруҳига олтита газ конденсатли конлар - Қандим, Қувачи-Олот, Оққум, Парсонкўл, Хожи ва Ғарбий Хожи конлари киради. 

Қандим газни қайта ишлаш заводининг биринчи навбати 2017 йил декабрида фойдаланишга топширилади.