«Газпром»нинг даромади ярим йил ичида 11 марта камайиб кетди

Фото: Максим Блинов / РИА Новости

Россиянинг «Газпром» компанияси соф даромади 2017 йилнинг илк 6 ойида 2016 йилнинг шу даврига нисбатан 11 марта камайиб кетиб, 17,4 млд рублни ташкил қилган. Бу ҳақда компания сайтида жойлаштирилган ҳар чораклик ҳисоботда айтилган.

2016 йил биринчи ярмида компания соф даромади 194,4 млрд рублни ташкил қилган.

«Газпром» тушумни газ сотишдан 5,5 фоизга, яъни 1,43 трлн рублгача оширишга муваффақ бўлган.

Компаниянинг моливий кўрсаткичларига евронинг Россия рублига нисбатан курси ўсиши ҳамда компанияда асосий воситаларни қайта баҳолаш путур етказган бўлиши мумкин.