Қўшимча функционаллар
-
Тунги кўриниш
Бангладешга роҳингя қочқинлари туфайли гуманитар инқироз хавф солмоқда
Бангладеш қўшни Мьянмадан 400 мингдан кўпроқ роҳингя мусулмонлари келгани сабабли гуманитар инқироз ёқасида турибди. Бу ҳақда ЮНИСЕФ маълум қилди.
Таъкидланишича, минглаб янги қочқинлар чегарани кесиб ўтмоқдалар, чунки уларга Мьянмада ўлим хавф солмоқда. Халқаро миграция ташкилоти роҳингя атрофидаги вазиятни “тез ривожланаётан қочқинлар инқирози” деб баҳолаган.
Ўз навбатида Бангладеш ҳукумати роҳингяларнинг эркин ҳаракатланишини анча чеклаб қўйди. Энди улар юртларига қайтмагунча махсус ташкил этилган лагерларда қолишлари керак.
Роҳингя мусулмонларига яқинлари ва дўстлариникида қолиш, маҳаллий аҳолига эса уларга бошпана бериш тақиқлаб қўйилди. Уларга шунингдек автобус ва юк машиналарда юриш ман қилинди.
Маълум қилинишича, Мьянманинг Аракан штатида бир миллиондан кўпроқ роҳингя мусулмонлари яшайди. Улар аҳолининг аксарият қисми буддавийликка сиғинувчи Мьянмада ўнлаб йиллар давомида таҳқирлашларга учраб келганлар. Роҳингялардан кўпчилиги паспортларга эга эмаслар ва мамлакат фуқаролари ҳисобланмайдилар.
Август охиридан Араканда буддавийлар ва мусулмонлар ўртасидаги тўқнашувлар тўхтамай келмоқда. Бунинг оқибатида 400 га яқин одам, асосан мусулмонлар ҳалок бўлганлар.
Мьянма фожиалари
Ўтиб бораётган ҳафта давомида Мьянмада истиқомат қилувчи кам сонли роҳингя жамоалари яшайдиган 2,600 дан ортиқ уйларга ўт қўйилди.
Мавзуга оид
23:25 / 23.12.2024
Бангладеш Ҳиндистондан собиқ бош вазир Шайх Ҳасинани экстрадиция қилишга ёрдам беришни сўрамоқда
23:39 / 12.11.2024
Бангладеш Интерполдан собиқ бош вазир Шайх Ҳасинани ҳибсга олишда ёрдам сўради
21:19 / 02.11.2024
Бангладешнинг сифати кафолатланмаган баъзи дорилари Осиё бозорларини эгалламоқда – ОАВ
19:20 / 17.10.2024