Ўзбекистонлик боксчилар Қозоғистондаги турнирда биринчи ўринни эгаллашди
4-7 октябрь кунлари мобайнида Қозоғистоннинг Актау шаҳрида бўлиб ўтган бокс бўйича халқаро турнир ўз якунига етди.
Ўзбекистон жамоаси турнирга 10 нафар боксчи билан йўл олганди. Уларнинг 9 нафари ярим финалга етиб борди. 7 октябрь кунги финал учрашувларида ўзбекистонлик 6 нафар боксчи олтин медаллар учун рингга чиқишди.
Финал жангларида Ўзбекистоннинг 4 нафар вакили ғолиб чиқди. Булар - Элнур Абдураимов (64 кг), Маҳмуд Гаипов (69 кг), Исроил Мадримов (75 кг) ва Баҳодир Жалолов (+91 кг).
Мироншоҳ Иброҳимов (49 кг), Муроджон Ахмадалиев (60 кг) ва Санжар Турсунов (91 кг) бронза медаллари билан кифояланган бўлса, Отабек Холматов (56 кг) ҳамда Мадияр Саидраҳимов (81 кг) финалда ютқазиб, кумуш медаль олишди.
Шу тариқа, ўзбекистонлик боксчилар 4 олтин, 2 кумуш ва 3 бронза медаль билан умумжамоа ҳисобида биринчи ўринни эгаллади.
Мавзуга оид
10:17 / 22.09.2024
Энтони Жошуа титул учун жангда бир неча бор полга қулади
13:47 / 11.09.2024
Қирғизистон президенти ўзбекистонлик бокс мураббийи Акмал Ҳасановга автомобил совға қилди
09:00 / 21.08.2024
Уришқоқ боладан олимпиада чемпионлигигача — Асадхўжа Мўйдинхўжаев хонадонидан репортаж
18:29 / 16.08.2024