Дубай полицияси квадрокоптерларда учадиган бўлди

HoverSurf компанияси Дубай амирлиги полицияси учун мотоцикл ва квадрокоптернинг махсус гибридини ишлаб чиқди. Мазкур қурилма 8 октябрдан бери бўлиб ўтаётган Gitex кўргазмасида намойиш этилган.

Тўрт прополлер билан жиҳозланган қурилма ҳайдовчи ёрдамида ёки масофали бошқарув пульти ёрдамида ҳаракатланиши мумкин, дея маълум қилади National. У ҳайдовчи билан беш метргача баландликка кўтарилиши мумкин, ҳайдовчисиз эса - олти километргача. 

Тўлиқ қувватланган батареядаги парвоз давомийлиги беш дақиқани ташкил қилади. Қурилмани оддий ёнилғи билан ҳам қувватлантириш мумкин, бунда у бир соатгача ҳаракатлана олади. 

Квадрокоптерга 300 килограммгача оғирликда бўлган юкни ортиш мумкин. У тезликни соатига 70 километргача етказади. 

Қурилмадан оддий мотоцикл сифатида ҳам фойдаланиш мумкин. Унинг ердаги ҳаракат тезлиги 200 км/соатни ташкил қилади, бир марта зарядланган батареяда эса у саккиз соатгача ҳаракатланиши мумкин.