«Ер сотаман» деб 30 минг долларни ўзлаштирган фирибгар фош этилди

Тошкент туманида 2014 йилнинг 19 декабрь куни Чиноз туманида яшовчи, 1969 йилда туғилган Э.Ҳ. алдаш йўли билан, Тошкент шаҳрида  яшовчи, 1963 йилда туғилган Б.И.нинг ишончини суистеъмол қилиб, Тошкент туманида жойлашган 12 сотих ерини «номингизга расмийлаштириб бераман» – деб алдаб, ундан 30.000 доллар пулини олиб, шу кунга қадар пулини бермай, ер ҳужжатларини расмийлаштириб бермаган. 

Бу ҳақда Тошкент вилояти Ички ишлар бошқармаси ахборот хизмати хабар бермоқда.

Ушбу ҳолат юзасидан унга нисбатан Ўзбекистон Республикаси Жиноят Кодексининг 168-моддаси билан жиноят иши қўзғатилди. Терговни ИИБ олиб бормоқда.