Boeing «фазовий такси»си учун ракета ишлаб чиқишни бошлади

Американинг Boeing аэрокосмик корпорацияси Atlas V ракетасини йиғиш ишларига киришди. У фазогирлар ва юкларни CST-100 Starliner бортида Халқаро фазо станциясига олиб чиқишга мўлжалланган. 

Ҳозирда, фазогирлар ва юкларни ХФСга Россиянинг «Союз» ракеталари етказиб бермоқда. Бу эса NASA агентлигини жиддий ташвишга солмоқда. Ташкилот барча усуллар воситасида бундай қарамликка барҳам беришга уринмоқда. Шу боисдан ҳам Америка фазо агентлиги  «Commercial Crew» - «Тижорат экипажи» дастурини ишга туширди. Унда SpaceX ва Boeing компаниялари иштирок этмоқда. Уларнинг иккиси ҳам фазовий парвозлар ҳамда ХФСга улана оладиган ракеталар устида ишламоқда. 

Аммо Atlas V ракетаси йиғилиши бошланган бўлса, йўловчи модули анча кечикмоқда. CST-100 Starliner қурилмасининг илк парвози 2018 йил охирига белгиланган эди, бироқ унинг учирилиши камида бир неча ойга кечикадиган кўринади. SpaceX компаниясининг Dragon 2 ракетаси билан ҳам вазият унчалик ҳавас қилгудек эмас.