Терактдан кейин. Трамп чегарада назоратни кучайтириш ҳақида топшириқ берди

Фото: Reuters

Америка Қўшма Штатлари президенти Дональд Трамп Ички хавфсизлик вазирлигига Нью-Йоркда юз берган теракт туфайли чегара назорати чораларини кучайтириш ҳақида топшириқ берди.

«Ҳозиргина Ички хавфсизлик вазирлигига чоралар ва текширувдан ўтказиш дастурини кучайтириш ҳақида топшириқ бердим. Сиёсий боадаб бўлиш яхши, бироқ бу ҳолатда эмас!», - дея ёзди Трамп Twitter’да.

Аввалроқ Нью-Йоркда рўй берган терактни содир этишда ўзбекистонлик Сайфулло Соипов гумонланаётгани хабар берилганди. У АҚШга грин-карта бўйича кўчиб кетган.

Тайёрлаган Отабек Матназаров

#Дональд Трамп #Сайфулло Соипов

31 октябрь, сешанба куни Манҳэттенда юк машинасини бошқарган шахс одамларни қасддан уриб юбориши оқибатида 8 киши ҳалок бўлди, 12 киши жароҳатланди. Терактни содир этишда гумон қилинаётган шахс келиб чиқишига кўра ўзбекистонлик Сайфулло Соипов.