2017 йилнинг энг яхши 300 видеоси биттага жамланган ролик эълон қилинди

Канадалик режиссёр Люк Бержерон ўн йилдирки тугаб бораётган йилнинг энг яхши видеоларидан улаб, ягона ролик тайёрлаб келмоқда. Бу сафар у ўзининг YouTube’даги Luc Bergeron каналида 2017 йилнинг энг ёрқин 314 видеосидан қирқимлар киритилган роликни эълон қилди.

Бержероннинг қайд этишича, монтаж учун у 280 соат вақт сарфлаган. Бундан ташқари, энг яхши видеоларни ахтариб топиш учун у ҳамкасби билан ҳафтасига 40 соат вақт ажратган.