Тўйиб ухламасликнинг кутилмаган хавфи ҳақида маълум қилинди

Йель университети олимлари ўсмирларнинг тўйиб ухламаслиги уларда спиртли ичимликларга мойилликни келтириб чиқариши мумкин деган хулосага келишди. MedicalXpress сайтида шу ҳақида маълум қилинди. 

Манбага кўра, тадқиқотда 42 киши иштирок этган ва улар ўтган ой мобайнида кўп спиртли ичимлик истеъмол қилишганини айтишган. Кўнгиллиларга бир ҳафта давомида уйқу сифати ва истеъмол қилинаётган алкоголь ҳажмини кузатиш таклиф этилди. Организмнинг кундалик ритмини назорат қилиш учун уйқу ва фаоллик монитори қўлланди. 

Маълум бўлишича, уйқу давомийлигининг қисқалиги орқали кейинчалик истеъмол қилинадиган алкоголь миқдорини юқори аниқлик билан тахмин қилиш мумкин экан. Таъкидлаш жоизки, катта миқдорда спиртли ичимлик истеъмол қилувчи кўнгиллилар уйқуга кечроқ ётишган ва кеч уйғонишган. 

2017 йилнинг баҳорида Journal of the American Heart Association'да америкалик мутахассисларнинг мақоласи тақдим этилди. Унга кўра, мунтазам равишда уйқуга тўймаслик юрак-қон томир касалликлари ва қандли диабетдан азият чекувчи кишиларнинг фалаж натижасидаги ўлим ҳолати эҳтимолини сезиларли даражада оширади.