Boeing 226 килограмм юк кўтара оладиган мега-дронни тақдим қилди

Boeing 500 фунт (226 кг) юкни таший оладиган “улкан” учувчисиз парвоз қурилмаси прототипи синовини муваффақиятли якунлади. Бу ҳақда компания хабарида маълум қилинган.  

Мега-дронни яратиш устидаги ишлар 3 ой вақт олди. Қурилма Boeing‘нинг Миссури штатидаги тадқиқот лабораториясида синов парвозларидан муваффақиятли ўтказилди. 

Дрон вертикал учишга имкон берувчи 8 та парракка эга. Унинг двигатели электр батареялардан ишлайди. Қурилманинг узунлиги 4,6 метрни, эни 5,5 метрни ва баландлиги 1,2 метрни, оғирлиги эса 340 кг.ни ташкил қилади.