Uzbek Tigers бу мавсумда гуруҳ босқичидаёқ кубаликларга дуч келади

Шу йилнинг февраль ойидан Жаҳон бокс серияси (WSB) навбатдаги VIII мавсумига старт берилади.

Uzbek Tigers бу мавсумда ҳам иштирок этади.

Уч минтақага бўлинган турнирда Uzbek Tigers Америка жамоалари Colombia Heroicos (Колумбия), Cuba Domadores (Куба) ва Caciques de Venezuela (Венесуела) билан бир гуруҳдан ўрин олган.

Uzbek Tigers нинг гуруҳдаги уй беллашувлари саналари:

23-24 февраль: Cuba Domadores (Куба)

2-3 март: Colombia Heroicos (Колумбия)

6-7 апрель: Caciques de Venezuela (Венесуела)

Сафар беллашувлари саналари:

9-10 февраль: Cuba Domadores

23-24 март: Colombia Heroicos

13-14 апрель: Caciques de Venezuela

WSB турнирининг қолган гуруҳлари:

Осиё минтақаси
China Dragons (Хитой)
Indian Tigers (Ҳиндистон)
Astana Arlans (Қозоғистон)
Patriot Boxing Team (Россия)

Европа минтақаси
France Fighting Roosters (Франция)
British Lionhearts (Буюк Британия)
Italian Thunder (Италия)
Croatian Knights (Хорватия)

Эслатиб ўтамиз, ўтган мавсумда Uzbek Tigers гуруҳ босқичини Қозоғистон, Хитой ва Россия вакиллари билан ўтказган ва иккинчи ўрин билан гуруҳдан чиққанди. Жамоа чорак финалда Cuba Domadores спортчиларига 3:7 ҳисобида имкониятни бой бериб қўйганди.

Якунда Қозоғистоннинг Astana Arlans жамоаси Cuba Domadores жамоасини енгган ва мусобақада учинчи бор зафар қучиб, WSB рекордини ўрнатганди.