ЖЧ-2018 чипталари учун рекорд даражада аризалар тушди

ФИФА ЖЧ-2018 ўйинларини томоша қилиш учун чипталарга берилган аризалар бўйича статистик кўрсаткичларни тақдим этди. Бу ҳақда ташкилот расмий сайти хабар тарқатди.

Унга кўра, айни вақтда чипталар савдосининг иккинчи босқичи давом этмоқда. У 5 декабрдан 31 январгача давом этади. Чипталар учун мухлислар томонидан 3 миллиондан ортиқроқ заявкалар қабул қилинган 

Энг кўп аризалар россиялик мухлислардан тушган бўлиб, бу жами аризаларнинг 62 фоизини ташкил қилмоқда. 38% аризалар хорижлик мухлислардан тушган. Чипта сўраб мурожаат қилганлар орасида етакчи Германия, Аргентина, Мексика, Бразилия, Перу, Колумбия, АҚШ, Испания, Польша ва Хитой мамлакатлари бор.

13 мартдан бошлаб чипталар жонли навбатлар ёрдамида сотувга чиқарилади.