Коллеж ўқувчиси 14,5 млн сўм пулни ўмариб кетди

Бухоро вилоятининг Шофиркон туманида 19 январга ўтар кечаси номаълум шахс Х.Ориф МФЙ Шофиркон шоҳ кўчасида жойлашган “Асл Стандарт” МЧЖга қарашли спиртли ичимликлар дўконига калит танлаш йўли билан кириб, у ерда 14.500.000 сўм пул ва 4 дона салқин ичимликларни ўғирлаб кетган. 

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.

Қайд этилишича, кўрилган чоралар натижасида ушбу жиноятни  Саврак МФЙ Сарвак кўчасида яшовчи,  Маиший хизмат  кўрсатиш касб-ҳунар коллежи 1-курс ўқувчиси, 2001 йилда туғилган Ш.Н. содир этганлиги аниқланиб, у ушланган.