Машҳур таэквондочи спорт турини ўзгартириб Пёнгчангдаги қишки ўйинларда қатнашади

Океаниядаги Тонга оролида истиқомат қилувчи Пита Тауфатофуи билан ғаройиб ҳодиса кузатилмоқда. У Риодаги Олимпиадада таэквондо бўйича иштирок этган бўлса, энди Пёнгчангдаги қишки ўйинларда қатнашишни ўз олдига мақсад қилиб қўйган.

Эҳтимол, кимдир Рио-де-Жанейродаги ёзги ўйинларнинг очилиш маросимида Тонга ноодатий вакилини ёдга олса керак. Ўшанда Пита Тауфатофуа куннинг ҳақиқий қаҳрамонига айланди, сабаби стадион бўйлаб анъанавий кийимда юриб ўтган.

Тонгалик бир неча марта Олимпиада ўйинларида таэквондо бўйича иштирок этишга ҳаракат қилган, якунда биринчи босқичдаёқ мағлубиятга учради. Пита Риодан сўнг Жанубий Кореяда бўлиб ўтадиган қишки олимпия ўйинларида чанғи пойгаси баҳсларида қатнашишга қарор қилди.

Тауфатофуа Лахти 2017 йилда ташкил этилган спортнинг қишки турлари бўйича жаҳон чемпионатида ҳам қатнашишга улгурди. У спринтда 156 қатнашчи орасида 153-ўринни эгаллади.

Тонгалик таэквондочи учун Пёнгчангга йўлланмани қўлга киритиш анча мушкул кечди. Унинг олимпия кампаниясини молиялаштириш интернет орқали бутун дунёдаги мухлислар томонидан амалга оширилди. Исландиядаги мусобақада эса тонгалик Пёнгчангга йўлланмани барибир қўлга киритди.