Қўшимча функционаллар
-
Тунги кўриниш
Олимпиадада иштирок этувчи Норвегия термасига хато туфайли нақ 15 мингта тухум етказилди
Олимпиадада иштирок этувчи Норвегия терма жамоасининг Пёнгчангдаги ошпазларига улар буюртма қилгандан 10 баробар кўпроқ, яъни 15 мингта товуқ тухуми етказилди. Аслида эса 1500 та тухум кўзда тутилган. Бу ҳақда NRK нашри хабар берди.
Нашрнинг таъкидлашича, терма жамоа вакиллари жанубий кореялик етказиб берувчилар билан онлайн-таржимон ёрдамида мулоқот қилишган. Натижада эса зарур бўлган тухум сони ёнига яна битта “нол” қўшилиб, керагидан 10 баробар кўпроқ етказилган.
“Бизга ярмигача тухум билан тўлган машина келди. Биз тухум қутилари ташилавериб-ташилавериб, адоғи кўринмаганидан ҳайрон ҳам бўлдик. Нима ҳам қилардик, энди қуймоқлар қиламиз, тухумларни қовуриб, сувда пиширамиз, тухум билан лосос тайёрлаймиз. Ва албатта, умид қиламанки, биз спортчиларни медаллар учун тақдирлайдиган шакарли печеньедан кўпроқ тайёрлашимизга тўғри келади”, деб айтган терма жамоа ошпази.
Қишки Олимпиада
Жанубий Кореянинг Пёнгчанг шаҳрида Қишки Олимпиада ўйинлари бўлиб ўтмоқда. 9 февраль куни бошланган спорт байрами 25 февралга қадар давом этади.
Мавзуга оид
21:24 / 27.05.2025
ХОҚ россиялик спортчиларни 2026 йилги Қишки Олимпиада ўйинларига киритмади
16:03 / 17.05.2025
Ўзбекистон элчиси Норвегия қиролига ишонч ёрлиғини топширди
20:44 / 02.05.2025
Полшада Норвегиянинг энг бадавлат инсонларидан бири ЙТҲ оқибатида ҳалок бўлди
22:17 / 29.04.2025