Қўшимча функционаллар
-
Тунги кўриниш
Фото: Россиялик спортчилар қишки Олимпиадада Россия байроғисиз
9 февраль куни Жанубий Кореянинг Пёнгчанг шаҳрида қишки Олимпиаданинг очилиш маросими бўлиб ўтди. Унда россиялик спортчилар Халқаро олимпия қўмитаси қарорига кўра, Россия байроғи остида чиқиш қилишмади.
Россиялик спортчиларнинг олимпиадада қатнашишга рухсат берилган қисми маросимда Олимпия байроғи остида чиқиш қилиб, стадионни бир қур айланишди. Уларнинг устида кулранг пальто, бошида оқ шарф ва шапкалар бўлди.
Россия термаси «Россиялик олимпия спортчилари» номи остида турнирда қатнашади. Бундай вазият 1992 ҳам кузатилган, ўшанда собиқ СССР вакиллари «Бирлашган жамоалар» номи билан олимпия байроғи остида чиқиш қилганди.
Бу сафар Олимпиадада Россия мадҳияси янграмайди, унинг ўрнида олимпия мусиқаси эшиттирилади.
Олимпиадада иштирок этишга ҳақли деб топилган россиялик спортчилар алоҳида комиссия текширувидан ўтди. Улар шу вақтга қадар допинг билан боғлиқ масала шубҳасида кўрилмаган бўлиши керак эди. Олимпиада олдидан бу спортчилар ХОҚ талаби билан тест топширишган.
Россия Олимпия Қўмитасининг ХОҚдаги аъзолиги вақтинча тўхтатилган. Ташкилот Пёнгчангдаги Олимпиаданинг ёпилиш маросими олдидангина аъзоликка қайтарилиши мумкин.
Қишки Олимпиада
Жанубий Кореянинг Пёнгчанг шаҳрида Қишки Олимпиада ўйинлари бўлиб ўтмоқда. 9 февраль куни бошланган спорт байрами 25 февралга қадар давом этади.
Мавзуга оид
19:50 / 24.07.2024
2030 ва 2034 йилги қишки Олимпиада ўйинлари мезбонлари тасдиқланди
19:29 / 20.02.2022
Парвозлар, қулашлар ва ғалаба онлари. Олимпиаданинг энг ёрқин суратлари
22:16 / 04.02.2022
Ложадаги ёлғиз Путин, кўзидан ёш чиқиб кетган аскар ва уч минг артист томошаси. Кун суратлари
11:59 / 31.01.2022