Мейвезер рози, Макгрегор билан ММА қоидалари бўйича жанг ўтказилади 

Мутлақ жангчилар чемпионати (UFC) раҳбари Дэйн Уайтнинг хабар беришича, америкалик боксчи Флойд Мейвезер UFC’нинг ирландиялик жангчиси Конор Макгрегор билан аралаш яккакурашлар (ММА) қоидалари бўйича жанг ўтказишга рози бўлди.

«Флойд Конор билан унда жанг эканини айтди, ҳамда у ҳам бокс, ҳам ММА қоидалари бўйича баҳслашмоқчи. Афтидан, буни қилишнинг ягона йўли – уларни октагонда рўпара қилиш. Аввалроқ биз Макгрегорни рингга чиқардик, энди бунга жавоб қайтариш вақти келди», - дея Уайтнинг сўзларини келтиради ТАСС Worldboxingnews.com порталига асосан.

Бунга қадар Мейвезер ва Макгрегор такрорий жанг ўтказиш борасида бир-бирига бир неча марта таклиф билан чиққанди. Спортчилар 2017 йилнинг 26 август куни рингда тўқнаш келгандилар. Беллашув бокс қоидалари бўйича ўтказилди ва Мейвезернинг ғалабаси билан якунланди.