Видеоблогер iPhone X ва Galaxy S9'ни таққослади

Видеоблогер Ник Акерман iPhone X ва Galaxy S9 смартфонларининг энг оддий функцияларини синовдан ўтказиб, уларни таққослади. Мазкур синов натижалари YouTube'га жойланди.

Ник Акерман телефонларни ишга тушириш тезлиги, смартфонларни блокдан ечишга кетган вақт, мобил иловаларнинг ишлаши ва кўплаб бошқа жиҳатларни синовдан ўтказган. 

Тест натижаларига кўра, iPhone X'нинг мобил иловалари тезроқ ишга тушиши маълум бўлган.  Galaxy S9 эса мессенжерларга кириш ва маълумотлар узатишга камроқ вақт сарфлар экан.

Видеоблогернинг таъкидлашича, Apple компанияси маҳсулоти кўп жиҳатдан рақибларини ортда қолдиради. 

Таҳлилчи Мин-Чи Куонинг фикрича, Android бошқаруви остидаги телефонлар iPhone'дан камида икки йилга ортда қолмоқда.