WADA номини ўзгартириши мумкин

Бутунжаҳон допингга қарши кураш агентлиги (WADA) коммуникациялар бўйича директори Кэтрин Маклиннинг маълум қилишича, ташкилот молиялаштиришни ошириш учун ўз номини ўзгартириши мумкин. Бу ҳақда ТАСС хабар бермоқда.

«Бизнинг бренд янада жозибадор бўлиши керак, бу қандайдир катта ташкилот ёки компания билан ҳамкорлик қилиш учун керак. Айни дамда катта бренд допингга қарши курашга алоқадор бўлиши борасида баъзи шубҳалар бор, бу кўпчилик томонидан салбий қабул қилиниши мумкин. Эҳтимол, ном ўзгариши борасидаги вариант кўриб чиқилади. Бу нафақат молиялаштиришни ошириш, балки бизнинг спортчилар ҳамжамияти нуқтаи назаридан ҳам рўй бериши мумкин», - дея Маклиннинг сўзларини келтиради Inside the Games.