WADA nomini o‘zgartirishi mumkin

Butunjahon dopingga qarshi kurash agentligi (WADA) kommunikatsiyalar bo‘yicha direktori Ketrin Maklinning ma'lum qilishicha, tashkilot moliyalashtirishni oshirish uchun o‘z nomini o‘zgartirishi mumkin. Bu haqda TASS xabar bermoqda.

«Bizning brend yanada jozibador bo‘lishi kerak, bu qandaydir katta tashkilot yoki kompaniya bilan hamkorlik qilish uchun kerak. Ayni damda katta brend dopingga qarshi kurashga aloqador bo‘lishi borasida ba'zi shubhalar bor, bu ko‘pchilik tomonidan salbiy qabul qilinishi mumkin. Ehtimol, nom o‘zgarishi borasidagi variant ko‘rib chiqiladi. Bu nafaqat moliyalashtirishni oshirish, balki bizning sportchilar hamjamiyati nuqtai nazaridan ham ro‘y berishi mumkin», - deya Maklinning so‘zlarini keltiradi Inside the Games.