Ўзганинг автомашинасини расмийлаштириб беришни ваъда қилиб 4 700 доллар олган фирибгар ушланди

Тошкент шаҳрининг Яшнобод туманида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 2018 йил 29 январь куни туман ИИБга тушган ҳужжатларга кўра, 2017 йил 22 январь куни Шайхонтоҳур тумани 3-Қўрғонча кўчасида яшовчи, 1984 йилда туғилган Б.Т. ТХАЙ кўчасида жойлашган “Мустанг” АЁҚШ олдида 1984 йилда туғилган Ғ.Т.га 1978 йилда туғилган И.З.га тегишли “Нексия” русумли автомашинани кейинчалик унинг номига нотариал тартибда расмийлаштириб беришни айтиб, 4 700 АҚШ долларини олиб кетиб, берган ваъдасини бажармай пулларни ўз эҳтиёжлари йўлида ишлатиб юборганлиги маълум бўлган.  

Кўрилган чоралар натижасида Б.Т. қўлга олинган.