АҚШ Суриядаги можарони 24 соат ичида тўхтатиши мумкин — Небензя

Фото: AP/TASS

АҚШ ўзининг «қўлга ўргатилган террорчилари»га Суриядаги қонуний ҳукумат ва ўз халқига қарши курашишни бас қилишга буйруқ бериб, 24 соат ичида Суриядаги урушни тўхтатиши мумкин, деди Россиянинг БМТдаги доимий вакили Василий Небензя. Бу ҳақда РИА Новости ёзади.

Россия вакили бу сўзларни БМТ Хавфсизлик кенгашидаги чиқиши вақтида айтган.

Небензянинг қайд этишича, иттифоқчиларнинг террорчиларга қарши операциялар олиб бориладиган Суриядаги аэродромларга зарбаси «гуманитар риторика билан йўғрилган, ўзининг ҳарбий иштирокини жиҳодчиларни ер билан яксон қилиш истаги билан тушунтирувчи ғарбдагилар аслида улар билан ҳамтовоқ экани ва мамлакатни парчалаш учун ишлашаётгани»ни билдиради.

Тайёрлаган Шуҳрат Раҳимов

#АҚШ #Сурия

АҚШ президенти Дональд Трамп 14 апрель куни Сурияга нисбатан ракета ҳужуми бошланганини билдирди. АҚШ ва унинг иттифоқчилари Сурияда кимёвий қуроллар ишлатилишига жавобан Асад ҳукуматига қарши ҳарбий амалиёт ўтказмоқда.