Қорақалпоғистонда қамишни қайта ишлаш ва қоғоз ишлаб чиқариш заводи қурилади

Қорақалпоғистон Республикаси Хитой Халқ Республикасининг Хунань провинцияси билан савдо-иқтисодий, инвестицион, туристик ва маданий-ижтимоий соҳаларда ҳамкорлик қилади, деб хабар бермоқда Kruz.

Хабарга кўра, Хунань провинциясининг бир нечта корхонаси ширинмияни сотиб олиш бўйича қизиқиш билдирган.

"Вишекриши Ташкент" МЧЖ бир қатор хитойлик компаниялар билан артемия цисталарини экспорт қилишга 500 минг АҚШ долларлик келишув қабул қилди.

Шунингдек, Хитойнинг 20тадан ортиқ корхона ва компания раҳбарлари билан алоҳида мулоқот ҳамда музокаралар ўтказилди.

Жумладан, Қорақалпоғистон ҳудудида қамишни қайта ишлаш ва қоғоз ишлаб чиқариш бўйича йирик завод қурилишига инвестиция киритишга келишув қабул қилинган.