Автомашина олиб беришни ваъда қилиб, 50 млн сўм олган фирибгар ушланди - ИИВ

Тошкент шаҳрининг Юнусобод туманида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Қайд этилишича, ИИБга тушган ҳужжатларга кўра, 2017 йил 22 декабрь куни Тошкент вилояти Янгийўл туманида яшовчи Ш.К. Боғишамол кўчасида яшовчи Д.Н.нинг уйида унга “Нексия” русумли автомашинани автосалондан олиб беришни ваъда қилиб, 50 млн 820 минг сўм пулларини алдов йўли билан олиб кетиб, берган ваъдасини бажармасдан пулларни ўз эҳтиёжлари йўлида ишлатиб юборганлиги кўрсатилган. 

Кўрилган чоралар натижасида Ш.К. ушланган.