Путин Пашинянни табриклади

Россия президенти Владимир Путин Никол Пашинянга Арманистон бош вазири лавозимига киришиши муносабати билан табрик телеграммаси йўллади. Бу ҳақда Кремль сайтида маълум қилинган.

«Мен сизнинг бошчилигингиздаги ҳукумат Мустақил давлатлар ҳамдўстлиги, Евроосиё иқтисодий иттифоқи ва Коллектив хавфсизлик ва ҳамкорлик ташкилоти доирасида биз билан дўстона ҳамда иттифоқчилик муносабатларини ривожлантиради, деб ҳисоблаймиз», — деган Путин.

Никол Пашинян бугун парламентда 59 депутат овозини олиб, мамлакатнинг янги бош вазирига айланди. У апрель ойи давомида Арманистон пойтахти Ереванда собиқ президент Серж Саргсяннинг бош вазирга айланишига қарши ўтказилган норозилик намойишлари ортидан ҳукумат тепасига келди.