Фуқарони «Каптива» олиб беришни ваъда қилиб, 27 минг долларга «ухлатишди» 

Тошкент шаҳрининг Учтепа туманида жиноят содир бўлди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Қайд этилишича, 14 май куни ИИБга тушган ҳужжатларга кўра, 2015 йил октябрь ойи ўрталарида номаълум шахс Сурхондарё вилояти Денов туманида  яшовчи Б.К.ни алдаб ишончига кириб, унга “Каптива” русумли автомашинасини 27.000 АҚШ долларига сотишини айтиб, ундан пулни олиб, автомашинани бермасдан пулларни қайтариб бермаганлиги маълум бўлган. 

Ушбу жиноятни содир этган номаълум шахсни аниқлаш ва ушлаш чоралари кўрилган.