Табиат тараққиётга қарши: Дубай ва Абу-Дабининг чўл томонидан “ютиб юборилаётгани” суратлари

Бирлашган Араб Амирликлари нафақат Дубай ва Абу-Дабининг салқин савдо марказлари  ва кўзни қамаштирувчи осмонўпар биноларидан ташкил топган. Австралиялик фотосуратчи Айренис Херек чўлда маълум вақт ўтказиб, у ердаги манзараларни дрондан суратга олди. Суратлар эса ҳайратланарли чиққан.

БАА манзаралари табиат ва инсон курашига ёрқин мисол бўла олади. Бир вақтлар ҳосилсиз ерлар мисли кўрилмаган тезлик билан обод қилиниб, Дубай 20 йил ичида ҳеч бир жиҳати билан ажралиб турмайдиган портдан жўшқин мегаполисга айланди. Бироқ табиатнинг жавоб зарбаси бериш одати бор – фотосуратчи айнан шуни ўз ишларида акс эттирди. Унинг дрон ёрдамида юқоридан олинган суратларида чўлнинг аста-секинлик билан БААнинг йўллари ва турар жойларини ўз домига тортаётгани акс этган.