Японияда 4,7 магнитудали зилзила рўй берди

Якшанба куни Япониянинг Хонсю ороли марказида жойлашган Гумма префектурасида 4,7 магнитудали зилзила рўй берди. Мамлакат ҳукумати шу ҳақида хабар берди. 

Япония метеорологик бошқармасидан маълум қилинишича, зилзила ўчоғи ер сатҳидан 20 километр чуқурликда бўлган. Цунами хавфи йўқ.

NHK телеканалидан хабар берилишича, ер силкиниши натижасида жабрланганлар ҳақида маълумот йўқ. Зилзила қайд этилган ҳудудда электр энергиясининг етказиб берилиши барқарор амалга оширилмоқда.

Расмий манбаларга кўра, ер силкиниши Япония атом энергетикаси объектлари фаолиятига ҳеч қандай таъсир кўрсатмаган. 

Зилзила сабабли Япония бош вазири канцеляриясида инқироз штаби ишга тушди.