Евро биржада май ойидан бери минимал кўрсаткични қайд этди

Евро республика валюта биржасида 9210 сўмлик даражада сотилмоқда. Бу май ойидан бери минимал кўрсаткичдир, ўшанда Ўзбекистон тарихида илк бор валюта биржасида Европа валютаси иштирокида савдолар бошланди.

8 майда, савдолар бошланган кунда, валюта 9800 сўмдан сотилган, бир неча кун ўтиб 9901 сўмгача ошди, бироқ кейин позицияларни йўқота бошлади ҳамда фақатгина сўнгги етти кунда 400 сўмдан ортиқни йўқотиб, 9210 сўмлик минимум рекордга етди.

Бу ҳафта ноёб вазият кузатилди - Марказий банк курси биржадаги кўрсаткичдан паст ўрнатилди, одатда эса, аксинча ҳолат рўй берарди.

МБ томонидан ўрнатилган 9150 сўмлик курс ҳам валюта эркинлаштирилиши бошланганидан бери минимум саналади - евро қишда 10200 сўм эди. Евро бошқа валюталарга нисбатан ҳам пастлаб бораётган бўлсада, бундай кескин динамика кузатилаётгани йўқ.