Трамп Канье Уэстни мақтади

Америка Қўшма Штатлари президенти Дональд Трампнинг твиттердаги ўз саҳифасида ёзишича, америкалик рэп ижрочиси Канье Уэстга «ҳақиқат»ни айтишга тайёрлиги учун миннатдордир.

Аввалроқ, Уэст Жимми Киммелнинг шоусида Трамп танқидчиларига «муҳаббатдан баҳра олишни» маслаҳат берганди.

«Ҳақиқатни айтишга тайёр бўлгани учун Канье Уэстга раҳмат», - дея ёзган Трамп.

Шунингдек, Америка президенти «янги ва ажойиб факт»га эътибор қаратган. Унинг фикрича, АҚШда ҳозирги вақтда қора танли аҳоли орасида ишсизлик рекорд даражада пастдир.

Трампнинг қўшимча қилишича, Уэстнинг қўллаб-қувватлови «жуда кўп нарсани ўзгартиради».

Эслатиб ўтамиз, аввалроқ Трамп Путинга мактуб юборгани маълум бўлганди.