Ички ишлар органи ва Халқ қабулхонасига ишга киритиб қўйишни ваъда қилиб, пул сўраган шахс ушланди

Қашқадарё вилоятининг Қарши шаҳрида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

24 август куни Нишон туманида яшовчи С.Л. исмли аёл вилоят ИИБга мурожаат қилиб, Қарши шаҳрида яшовчи Х.С., унинг ўғли А.Қ.ни танишлари орқали 1000 АҚШ доллари эвазига ички ишлар органларига ёки 500 АҚШ доллари эвазига халқ қабулхонасига ишга жойлаштириб қўйишини айтганини маълум қилган.

Кўрилган тезкор тадбирлар натижасида Х.С. 1000 АҚШ долларини олаётган вақтида ИИБ ходимлари томонидан қўлга олинган.