301 млн сўмни ўзлаштириб юборган шахс қўлга олинди

2018 йил 26 август куни Қорақалпоғистон Республикасининг Нукус шаҳрида яшовчи Г.Е. исмли аёл ИИБга мурожаат қилган. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.

У шу йил январь ойида Кегейли туманида яшовчи Г.Г. исмли аёл унинг уйида бирга маккажўхори ва гуруч олди-сотдиси билан шуғулланишни, тушган фойдани тенг бўлишишни ваъда қилиб, ундан 301 млн сўм пулларини олиб, шу кунга қадар берган ваъдасини бажармасдан пулларни ўз эҳтиёжлари йўлида ишлатиб юборганлигини маълум қилган. 

Ҳолат юзасидан Г.Г. қўлга олинган.