Санкт-Петербургда Ўзбекистон фуқароси ҳомиладор аёлни зўрлашда айбланмоқда

Россия ҳуқуқ-тартибот идоралари ўзбекистонлик фуқарони қўлга олишди, у ҳомиладор аёлни зўрлашда айбланмоқда. Бу ҳақда «Московский Комсомолец» нашри хабар берди.

Қайд этилишича, тергов органлари томонидан Ўзбекистон Республикаси фуқароси, 1992 йилда туғилган шахсга Россия Федерацияси Жиноят кодексининг 131-, 161-моддаларида (зўрлаш, босқинчилик) назарда тутилган жиноят белгилари бўйича айблов қўйилди. Эркак қамоққа олинган.

Жиноят иши материалларига кўра, у 2018 йилнинг 12 май куни кечқурун Санкт-Петербургдаги Равенство кўчасидаги уйлардан бирининг ёнида 1988 йилда туғилган, ҳомиладорликнинг охирги муддатларида бўлган аёлга ҳужум қилган. Сўнг эркак жабрланувчини зўрлаган ва мобиль телефонини ўғирлаб кетган.