Аргентина футбол ассоциацияси ва терма жамоа футболчилари контрабандада айбланмоқда

Аргентина футбол ассоциацияси ва миллий терма жамоа футболчилари контрабандада айбланмоқда, деб хабар беради AS.

Сентябрь ойида терма жамоа АҚШда иккита ўртоқлик ўйинини ўтказган эди. У ердан қайтиб келишгач, божхоначилар аэропортда футболчилардан умумий нархи 20 минг долларга тенг бўлган ва декларацияда қайд қилинмаган товарларни конфискация қилишган. Уларнинг орасида мусиқа асбоблари, электроника ва болалар ўйинчоқлари бўлган.

Аргентина солиқ идораси бу ишни иқтисодий жиноятлар прокуратурасига топширган. Энди бу воқеа юзасидан суриштирув ўтказилади.

АҚШда Аргентина терма жамоаси 2та ўртоқлик ўйинини ўтказди. 8 сентябрь куни Лос-Анжелесда Гватемала 3:0 ҳисобида мағлуб этилди. 12 сентябрь куни Нью-Жерсида Колумбия билан 0:0 ҳисобидаги дуранг қайд этилди.