Оққўрғонда фуқаро 1 килограммдан ортиқ “марихуана” билан қўлга олинди

Тошкент вилоятида “Қорадори-2018” тадбири ўтказилди, деб хабар бермоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Тадбир давомида вилоятнинг Оққўрғон тумани “Қаҳрамон” МФЙ ҳудудида жорий йилнинг 24 сентябрь куни ички ишлар органлари ходимлари томонидан фуқаро Ж.И. 1 кг. 946,5 гр. “марихуана” гиёҳвандлик моддаси билан қўлга олинган.

Ҳолат юзасидан жиноят иши қўзғатилган. Тергов ҳаракатлари олиб борилмоқда. 

Эслатиб ўтамиз, аввалроқ Жиззахдаги фермер хўжалиги шийпонидан 1,5 килограммдан ортиқ марихуана топилганди.