Видео: Лондонда эркак Евротуннель собиқ раҳбарини поезд тагига итариб юборди

Лондон метросида эркак киши Евротуннелнинг собиқ раҳбари сэр Роберт Мальпаснинг ҳаётига суиқасд уюштирди. Рўй берган воқеа тасвирланган видео Британия транспорт полицияси томонидан эълон қилинди.

The shocking moment CCTV captured a man attempting to murder two men on the London Underground.

Today, their attacker has been found guilty of two counts of attempted murder.

Full story 👉 https://t.co/nhic8WxzyK pic.twitter.com/V7UMUGi8D0
— British Transport Police (@BTP) October 5, 2018

Видеоёзувдан кўриш мумкинки, эркак Мальпаснинг олдига югуриб келган ва уни поезд бекатга кириб келишидан аввал рельсларга итариб юборган.

Британия полициясининг айтишича, ҳужум қилган шахс 46 ёшли Пол Кросслидир. У ўз хатти-ҳаракатига «кеча тунда етарлича ухламагани» билан изоҳ берди.

Independent’дан таъкидлашларича, Евротуннелнинг собиқ раҳбари «Риёд» меҳмонхонаси ходими Ал Ҳуссаний томонидан қутқариб қолинган - у ёрдам сўралгани ҳақидаги бақириқни эшитган ва Мальпасни поезд келишидан бир дақиқа олдин тортиб чиқарган.

#Лондон #поезд #Евротуннель