Хитойда йўловчиларга ҳужум қилинди: 2 киши ҳалок бўлди, 16 нафари жароҳатланди

Фото: Jason Lee / Reuters

Хитойнинг шарқий қисмида номаълум эркак кўчадаги йўловчиларга пичоқ билан ҳужум қилди, сўнгра автомобилда оломон устига бостириб борди. Маҳаллий полиция шу ҳақида хабар берди.

Воқеа 6 октябрь куни кечқурун Чжэцзян провинциясидаги Нинбо шаҳрининг Бэйлунь туманида рўй берди.

Полиция маълумотларига кўра, Ван фамилияли гумондор шахсий муаммолари сабаб йўловчиларга пичоқ билан ҳужум қилган, кейин эса автомобилда одамлар устига бостириб борган. Натижада 2 киши ҳалок бўлган, 16 нафари жароҳатланган.

Шу куни кечқурун полиция гумондорни қўлга олишга муваффақ бўлган.